Gaztetxo Eskola - Gaztetxoak

GAZTETXO ESKOLA 1989. urtetik eten barik martxan dagoen Eskola Ofiziala da, gure jarduera nagusia HEZKUNTZA ASTIALDIRAKO HEZITZAILEAK TREBATZEA delarik.

Halan, BEGIRALE, ZUZENDARI eta GIZARTE ETA KULTURA SUSTATZAILE ikastaroak antolatu eta ematen ditu. Guztiak, Eusko Jaurlaritzak homologatutakoak.

Astialdiko hiru ikastaro ofizial hauez gain, gazteriarekin, hezkuntzarekin, hirugarren sektorearekin besteak beste, erlazioa duten mota askotako ekintzak, jardunaldiak, foroak, biltzarrak, ikastaro ezberdinak, elikagaien manipulatzaile ikastaroak, etab. antolatzen ditu.

Gure helburuak

Haur, gazte talde edota mugimendu bateko ekintzak dinamizatzeko diran ezagupen eta baliabideak eskuratzen lagundu
Ematen dugun heziketarekin koherentea den hezitzaile eredua sustatu
Aisialdiko heziketa planteamendua ezagutarazi
Aisialdiko pedagogiako planteamendua sumatu
Talde bat dinamizatzeko behar diren jakituria eta baliabide tekniko-didaktikoak eman
Hezitzaileen artean sormena, irudimena, oroimena, trebezia, motrizitatea, adierazpena eta pertzepzioa sustatu, hezkuntzako ekintzen eta proposamen ludikoen bidez
Langaiekin koherente izango diren hezitzaileak sustatu

2017-18 ikastarotik aurrera, Gaztetxo Eskolak eskaintzen dituen formakuntza saioek Lanbideren ziurtagiria barne dauka, Lanbide-gaitasunaren 2. mailako ziurtagiria, hain zuzen ere.

Begiraleen, zuzendarien, sustatzaileen, eragileen, azken batean hezitzaileen prestakuntza ezin da abstraktuenetik planteatu. Lurraldearekin, kultura eta hiri mota zehatz batekin, ekintza zein programekin izan behar baitu lotura. Azken batean:

Gure helburuak

“Izan zirelako gara, eta garelako izango dira”

Begirale ikastaroa

Zuzendari ikastaroa

Gizarte eta kultura sustatzaile ikastaroa

Beste ikastaro batzuk